Home » Obradoiro con Xulia Feixoo

Obradoiro con Xulia Feixoo

Imxe do Arquivo de Arredor da Tradición

Obradoiro de recolla de patrimonio musical

Obradoiro gratuíto e virtual a través de Zoom.

Sábado 17 de abril de 2021, de 10:30 a 13:30.

Inscrición no correo dendeacocinha@gmail.com (prazas limitadas).

Impartido pola etnomusicóloga Xulia Feixoo.

Este obradoiro é aberto a calquera persoa, non é preciso ser dos concellos de Touro ou do Pino.

A quen vai dirixido?

O obradoiro de “Recolla de patrimonio musical” vai dirixido a todas aquelas persoas interesadas na nosa música tradicional, con independencia da súa
experiencia previa na recolla de campo e o seu nivel de coñecemento de aspectos teóricos e prácticos do noso patrimonio inmaterial.

Se queres colaborar co proxecto Dende a cociña facendo recollas nos nosos concellos este é un bo punto de partida para ter unhas orientacións básicas á hora de facer un traballo deste tipo.

Contidos do obradoiro

  • No obradoiro trataranse os seguintes contidos:
  • Método etnográfico: definición características, obxectivos básicos.
  • Deseño da investigación: etapas, obxecto de estudo, planificación, metodoloxía.
  • O proceso de documentación: publicacións, recursos na rede, recursos humáns.
  • A entrevista etnográfica: datos básicos, xerais e específicos da zona.
  • O traballo de campo: chegada ó campo, contexto, material necesario, roles no campo.
  • Orgnización da información: etiquetado, bases de datos, transcricións, cortes de audio e vídeo.
  • A divulgación: importancia, como facelo, publicacións físicas e publicacións na rede.

Sobre Xulia Feixoo

Xulia Feixoo (Vigo, 1987). É a primeira etnomusicóloga titulada da Galiza (Vigo, 2016), titulada no Mestrado do Profesorado de Educación Secundaria (Pontevedra, 2018), licenciada en Historia da Arte na especialidade de Historia da Música (Compostela, 2010) e titulada profesional en Percusión (Vigo, 2010).

A súa actividade investigadora céntrase no estudo e divulgación das músicas de tradición oral de Galiza, sobre as que ten publicado os libros Maruxa das Cortellas. Tocadora do pandeiro… (2017) e Mulleres de Gargamala! Cantares de tradición oral (2017), ambos na colección A Chave Mestra, da editorial A Central Folque. Dende setembro do 2019 forma parte da equipa de asesoras do Arquivo sonoro de Galicia, do Consello da Cultura Galega.